Middleman:

Four Winds:

 First Day of My Life:

En ég hef nánast engan áhuga á knattspyrnu ,svona þannig séð, og get því yppt öxlum og sagt „bugger me“ eða „ecky thump“ eins og þetta ku hafa verið orðað í norðurhluta Englands fyrr á árum. Það vill svo skemmtilega til að þetta orðatiltæki er titill nýju plötu uppáhalds hljómsveitarinnar minnar, The White Stripes, en hún kemur út núna á næstu dögum. Ég sé mér til ánægju að hún er valin sem plata mánaðarins í Uncut og er að fá jákvæða umfjöllun á bloggum víða um heim. Titillagið, Icky Thump, lofar alla vega góðu.

Von Südenfed er óvæntur gleðigjafi í svartnættinu. Þetta er tríó sem samanstendur af Andi Toma, Mark E. Smith and Jan St. Werner. Það væri náttúrulega ekkert varið í þetta ef vinur okkar Mark E. Smith væri ekki þarna. Þetta er raftónlist með Fall-attitúdi, það getur ekki klikkað.

Þessa dagana er ég annars nokkuð hrifinn að nýjasta lagi The Go! Team, Grip Like a Vise. Þetta er ung hljómsveit frá Bretlandi sem var tilnefnd til Mercury verðlaunanna árið 2004. Platan kom út í tveimur útgáfum þar sem illa gekk að fá leyfi fyrir sömplum sem þau notuðu. Þetta lag minnir mig að sumu leyti á Mantronix sem ég var nokkuð ánægður með í seint á níunda áratugnum. Þeir afrekuðu m.a. að gera fyrstu plötuna sem var masteruð af DAT segulböndum í stað „reel to reel“ eins og hefðin var. Meðfylgjandi lag er af þeirri plötu sem kom út 1988.

Tvær drukknar stúlkur í Englandi sendu mér hlekk á MySpace síðu hljómsveitarinnar Mendicant. Önnur þeirra var reyndar búin að gefa mér disk með hljómsveitinni skömmu fyrir áramót. Þetta er gott stöff og betra en margt annað en eftir talsverða hlustun er ég þó ekki húkkaður. Tékkið t.d. á Butcher Boy í spilaranum á síðunni þeirra.

Edrú drengur í Noregi benti mér síðan á nokkuð snjallt fyrirbæri, RadioBlogClub, nokkurs konar útvarpsblogg sem gerir mönnum kleift að leita að lagi eða listamanni og skella því síðan í spilara á bloggið.

Nýr heilbrigðisráðherra hefur litið dagsins ljós, Guðlaugur Þór Þórðarson. Konan sem sat við hliðina á mér þegar þetta var tilkynnt í beinni, sagði að reynsla hans eftir brunaslysið muni áreiðanlega hjálpa honum í starfi. Verð að játa að ég skildi það komment ekki alveg en á eftir að hugsa þetta betur. Rétt að taka fram að ég var staddur á Landsspítalanum þegar þetta var. Til heiðurs nýjum heilbrigðisráðherra (sem brosti eins og skóladrengur eftir tilnefninguna) er rétt að pósta kóveri The Editors af lagi Gorillaz, Feel Good inc.

Menn keppast við að covera Joy Division þessa dagana enda er verið að frumsýna myndina Touching from a Distance á Cannes hátíðinni sem er nýlega hafin. The Killers stóðu sig frekar illa, að mínu mati í sínu coveri, en ég rakst á cover með vini okkar James Murphy í LCD Soundsystem af lagi sem var held ég á fyrstu Joy Division ep plötunni. Þetta er lagið No Love Lost og Murphy gerir þetta smekklega.

Berið saman útgáfurnar og gleðjist.